Прэзыдэнт Расеі Ўладзімір Пуцін у сераду прыбыў зь візытам у Душанбэ. Ён апынуўся там упершыню з чэрвеня 2022 году.
Улады Таджыкістана запыт Міжнароднага крымінальнага суду праігнаравалі. Пуціна ля самалёта сустрэў сам прэзыдэнт краіны Эмамалі Рахмон.
Вуліцы сталіцы Душанбэ ў вечар прыезду расейскага прэзыдэнта аформілі колерамі дзяржаўнага сьцяга. На дамах вывесілі фатаграфіі Рахмона і Пуціна. У час візыту Пуцін прыме ўдзел у саміце «Цэнтральная Азія — Расея» і пасяджэньні Рады кіраўнікоў дзяржаваў СНД.
Перамовы кіраўніка Крамля з галовамі дзяржаваў Цэнтральнай Азіі, бясспрэчна, будуць аб становішчы некалькіх мільёнаў працоўных мігрантаў з рэгіёну, якія атрымліваюць заробак у Расеі, а потым пераказваюць грошы на радзіму сем’ям.
Пуцін таксама можа сустрэцца ў Душанбэ з прэзыдэнтам Азэрбайджану Ільхамам Аліевым, зь якім у Расеі апошнім часам напружаныя адносіны.
Гэта далёк ня першы выпадак, калі ордэры, выдадзеныя Міжнародным крымінальным судом, ігнаруюць улады розных краін. Напрыклад, Пуцін ужо наведваў Манголію, якая адмовілася яго арыштоўваць і перад прылётам расейскага кіраўніка дала Крамлю гарантыі бясьпекі. У Вугоршчыну прылятаў прэм’ер-міністар Ізраілю Біньямін Нэтаньягу, на арышт якога Міжнародны крымінальны суд таксама выдаў ордэр.
Форум