Пра гэта паведаміў у эфіры тэлеканалу СТВ генэральны сакратар Паралімпійскага камітэту Беларусі Мікалай Шудзейка.
Нядаўна зьмяніўся Клясыфікацыйны кодэкс, і высокую ступень міяпіі выключылі зь спісу хвароб, зь якімі атлет мог трапіць на паралімпіяду.
Сьвятлана Саханенка (цяпер Маторына) — 3-разовая чэмпіёнка зімовых Паралімпійскіх гульняў 2018 году ў лыжных гонках на 15, а таксама 7,5 і 1,5 км.
Ігар Бокі з 2010 году заваяваў у плаваньні 79 залатых мэдалёў на найбуйнейшых спаборніцтвах і ўсталяваў 10 сусьветных рэкордаў.
Ён 21 раз станавіўся паралімпійскім чэмпіёнам, 28 разоў — чэмпіёнам сьвету і 30 разоў — чэмпіёнам Эўропы.
27 верасьня Міжнародны паралімпійскі камітэт прыняў рашэньне адмяніць частковую дыскваліфікацыю Беларусі і Расеі, уведзеную пасьля поўнамаштабнага ўварваньня Масквы ва Ўкраіну ў 2022 годзе.
Гэта рашэньне адкрывае магчымасьць для беларускіх і расейскіх спартоўцаў выступаць пад дзяржаўнымі сьцягамі на зімовых Паралімпійскіх гульнях у Міляне і Картына-д’Ампэцца ў наступным годзе.
Аднак у шасьці зімовых відах спорту рашэньне пра допуск краін да спаборніцтваў Паралімпіяды застаецца за міжнароднымі спартовымі фэдэрацыямі, якія пакуль пакуль не зьнялі забарону на ўдзел беларускіх і расейскіх атлетаў:
- біятлёне,
- гарналыжным,
- кёрлінгу на вазках,
- лыжных гонках,
- сноўбордзе,
- хакеі.
19 верасьня Міжнародны алімпійскі камітэт дазволіў удзел беларускіх і расейскіх спартоўцаў у зімовай Алімпіядзе пры ўмове, што яны будуць выступаць пад нэўтральным сьцягам і выконваць патрабаваньні нэўтралітэту.
Форум