Яны мяркуюць, што Макея, паводле ягонага статусу, трэба зрабіць уязным у Эўразьвяз. Маўляў, менавіта з кіраўніком зьнешнепалітычнага ведамства Беларусі трэба найперш размаўляць пра дэмакратызацыю краіны.
Аднак ёсьць і супрацьлеглая думка — адмена забароны Макею будзе прадстаўленая Аляксандрам Лукашэнкам як перамога беларускага рэжыму.
Апошнім часам зьявіўся і трэці варыянт, пра які карэспандэнту «Свабоды» распавёў адзін з замежных дыпляматаў, што працуе ў Беларусі: «Узьнікла ідэя скасаваць візавыя абмежаваньні для міністра замежных спраў Беларусі толькі на паўгода. І за гэты час паглядзець, ці будуць зьмяняцца дачыненьні паміж Брусэлем і Менскам. Калі адбудуцца станоўчыя зрухі, то візавую забарону можна будзе адмяніць цалкам. Калі ж усё застанецца па-ранейшаму, то Макея зноў вернуць у статус неўязнога ў Эўразьвяз».
Ёсьць і чацьвёрты варыянт — Макея наагул не згадаюць у Брусэлі. І ўсё застанецца так, як ёсьць сёньня. Эўрапейцы цяпер нашмат больш заклапочаныя іншымі праблемамі.
А сам Макей тым часам наведаў Маскву, дзе сустрэўся з сваім расейскім калегам Сяргеем Лаўровым і абмеркаваў зь ім палітыку ўзаемадзеяньня дзьвюх краін на міжнароднай арэне. У гэтай сувязі цікава, што параіў Лаўроў Макею наконт ягонага магчымага ўдзелу ў саміце «Ўсходняга партнэрства». Гэтая імпрэза намечаная на 12–13 лютага ў Тбілісі.
Фармальна ў спадара Макея ёсьць усе падставы для паездкі ў Тбілісі. Ніякай візы, каб наведаць Грузію, грамадзяніну Беларусі непатрэбна. Да таго ж Беларусь сёлета старшынюе ў СНД, і Аляксандар Лукашэнка публічна паабяцаў вярнуць Грузію ў гэтую структуру. Дый Масква сёньня глядзіць на Грузію зусім ня так, як падчас вайсковага канфлікту 2008 году. І, урэшце, тая ж Масква цяпер нашмат спакайней пазірае на «Ўсходняе партнэрства» — праграму, якая спачатку моцна напалохала Крэмль.
Уладзімер Макей трапіў у «чорны сьпіс» неўязных на тэрыторыю Эўразьвязу згодна з рашэньнем ад 31 студзеня 2011 году. Тады ён займаў пасаду кіраўніка прэзыдэнцкай адміністрацыі.
Аднак ёсьць і супрацьлеглая думка — адмена забароны Макею будзе прадстаўленая Аляксандрам Лукашэнкам як перамога беларускага рэжыму.
Апошнім часам зьявіўся і трэці варыянт, пра які карэспандэнту «Свабоды» распавёў адзін з замежных дыпляматаў, што працуе ў Беларусі: «Узьнікла ідэя скасаваць візавыя абмежаваньні для міністра замежных спраў Беларусі толькі на паўгода. І за гэты час паглядзець, ці будуць зьмяняцца дачыненьні паміж Брусэлем і Менскам. Калі адбудуцца станоўчыя зрухі, то візавую забарону можна будзе адмяніць цалкам. Калі ж усё застанецца па-ранейшаму, то Макея зноў вернуць у статус неўязнога ў Эўразьвяз».
Ёсьць і чацьвёрты варыянт — Макея наагул не згадаюць у Брусэлі. І ўсё застанецца так, як ёсьць сёньня. Эўрапейцы цяпер нашмат больш заклапочаныя іншымі праблемамі.
А сам Макей тым часам наведаў Маскву, дзе сустрэўся з сваім расейскім калегам Сяргеем Лаўровым і абмеркаваў зь ім палітыку ўзаемадзеяньня дзьвюх краін на міжнароднай арэне. У гэтай сувязі цікава, што параіў Лаўроў Макею наконт ягонага магчымага ўдзелу ў саміце «Ўсходняга партнэрства». Гэтая імпрэза намечаная на 12–13 лютага ў Тбілісі.
Фармальна ў спадара Макея ёсьць усе падставы для паездкі ў Тбілісі. Ніякай візы, каб наведаць Грузію, грамадзяніну Беларусі непатрэбна. Да таго ж Беларусь сёлета старшынюе ў СНД, і Аляксандар Лукашэнка публічна паабяцаў вярнуць Грузію ў гэтую структуру. Дый Масква сёньня глядзіць на Грузію зусім ня так, як падчас вайсковага канфлікту 2008 году. І, урэшце, тая ж Масква цяпер нашмат спакайней пазірае на «Ўсходняе партнэрства» — праграму, якая спачатку моцна напалохала Крэмль.
Уладзімер Макей трапіў у «чорны сьпіс» неўязных на тэрыторыю Эўразьвязу згодна з рашэньнем ад 31 студзеня 2011 году. Тады ён займаў пасаду кіраўніка прэзыдэнцкай адміністрацыі.
