Паводле чарнагорскага выданьня «Vijesti», там напярэдадні парлямэнцкіх выбараў у Малдове, якія прайшлі 28 верасьня, беларус Аляксандр Гантароў разам з расейцам Сяргеем Андрэенкавым на тэрыторыі комплексу «Sunčana reka» у пэрыяд зь ліпеня па верасень навучылі больш за 150 прарасейскіх актывістаў распазнаньню баявых цэляў і стральбе.
Падрыхтоўка была арганізаваная з мэтай зрыву парлямэнцкіх выбараў у Малдове ў выпадку выніку неспрыяльнага для прарасейскіх сілаў.
Вайсковыя інструктары двойчы заяжджалі ў Чарнагорыю з Сэрбіі, каб не парушаць заканадаўства, бо расейцы і беларусы могуць знаходзіцца ў Сэрбіі бязь візы толькі 30 дзён.
ГЛЯДЗІЦЕ ТАКСАМА: Паліцыя Малдовы правяла сотні ператрусаў пасьля расьсьледаваньня ўмяшаньня Крамля ў парлямэнцкія выбарыАндрэенкаў падчас поўнамаштабнага ўварваньня арміі РФ ва Ўкраіну ў 2022 годзе ён працаваў дарадцам кіраўніка вайскова-цывільнай адміністрацыі акупаванай тэрыторыі Харкаўскай вобласьці Украіны.
Перад парлямэнцкімі выбарамі малдоўская паліцыя правяла шэраг ператрусаў, у выніку якіх былі затрыманыя 74 чалавекі, якія падазраюцца ў праходжаньні падрыхтоўкі ў Сэрбіі пры каардынацыі расейскіх спэцслужбаў з мэтай правакацыі гвалту і масавых беспарадкаў. Гэтая група асоб вывучала тактыку прарыву паліцэйскіх кардонаў, ужываньне гумовых дубінак, прыёмы абыходжаньня з агнястрэльнай зброяй.
Эўракамісія расьсьледуе, якім чынам дзясяткі грамадзян Малдовы прайшлі ў Сэрбіі такое навучаньне. Паліцыя Сэрбіі затрымала двух грамадзян па падазрэньні ў арганізацыі і фінансаваньні лягеру каля Лазьніцы.
Па дадзеных сьледзтва, адзін з арыштаваных падазраецца ў выплаце праз свае кампаніі каля 10 тысяч эўра інструктарам ваенізаванай падрыхтоўкі.
ГЛЯДЗІЦЕ ТАКСАМА: Вынік выбараў у Малдове — перамога для Брусэлю і Кішынёва. Аналіз Рыкарда Юзьвяка