Паводле яго словаў, у выніку атакі загарэўся дах будынка. У гэты час унутры знаходзіліся 11 дзяцей, 35 пацыентак і 120 работнікаў. Усім удалося спусьціцца ў сховішча.
Выконваючы абавязкі мэра Сум Арцём Кабзар паведаміў аб удары па адной з устаноў аховы здароўя. Паводле яго папярэдніх зьвестак, расейскае войска нанесла ўдар бесьпілётнікам «Італмас». Ніхто не пацярпеў.
Сумы знаходзяцца недалёка ад граніцы з Расеяй. Расейскія вайскоўцы рэгулярна атакуюць грамадзянскую інфраструктуру і мірнае насельніцтва Сумскай вобласьці. Два дні таму ў выніку расейскага ўдару па чыгуначнай станцыі ў Шостцы, загінуў адзін чалавек, яшчэ каля 30 чалавек былі параненыя.
У чэрвені 2025 года ў рамках Пецярбурскага міжнароднага эканамічнага форуму Ўладзімір Пуцін казаў, што ня ставіў вайскоўцам РФ мэты акупаваць горад Сумы, але такое ня выключана.
ГЛЯДЗІЦЕ ТАКСАМА: Расея ўначы 15 разоў атакавала Харкаў дронамі, ёсьць ахвяры