Блогерку Караліну К., якая прысьвячала свае публікацыі ладу жыцьця і вандроўкам, асудзілі за ўдзел у пратэстах паводле артыкулу аб грубым парушэньні парадку (артыкул 342 Крымінальнага кодэксу) і асудзілі на 2,5 году «хатняй хіміі». Пра гэта яна напісала ў сваім блогу, заўважыла «Эўрарадыё».
Пасьля суду жанчына выехала зь Беларусі, яна пасялілася ў Амстэрдаме.
Караліну затрымалі ў чэрвені 2025 году на мяжы пры вяртаньні ў Беларусь зь Літвы. Трымалі ў ІЧУ ў Ашмянах, а потым у сьледчай турме ў Горадні і СІЗА-1 у Калядзічах пад Менскам.
Агулам блогерка правяла пад вартай 3,5 месяца. За гэты час, як яна напісала ў блогу, нават пасьпела «вывучыць турэмны слэнг» і скласьці з 40 новых для яе слоў крыжаванку.
На блог падпісаныя больш за 380 тысяч чалавек.
ГЛЯДЗІЦЕ ТАКСАМА: Хроніка перасьледу: у Гомлі найбольш затрыманьняў у справе «Беларускага Гаюна»