Дата дня
4 кастрычніка ўступіў у дзеяньне грыгарыянскі каляндар паводле булы папы Рыгора ХІІІ, пасьля чаго наступіла адразу 15 кастрычніка.
Дзень у гісторыі
1535 — з друку выйшла першая ў сьвеце Біблія на ангельскай мове. Вартая ўвагі акалічнасьць: беларусы дзякуючы Скарыну атрымалі сваю Біблію па-беларуску ў 1517 годзе, амаль на дваццаць гадоў раней за ангельцаў.
1957 — Савецкі Саюз запусьціў у космас першы штучны спадарожнік Зямлі.
2020 — на «Марш вызваленьня палітвязьняў» у Менску выйшла больш за 100 тысяч чалавек. Больш за 200 затрыманых па ўсёй Беларусі.
У гэты дзень нарадзіліся
1741 — Францішак Карпінскі, паэт, мэмуарыст, драматург, фальклярыст, галоўны прадстаўнік сэнтымэнталізму ў лірыцы.
1750 — польскі паэт, драматург, перакладнік і фальклярыст Францішак Дыянізі Князьнін (нарадзіўся ў Віцебску).
1816 — францускі паэт Эжэн Пацье, удзельнік Парыскай камуны, які ўвайшоў у гісторыю як аўтар «Інтэрнацыяналу».
1864 — гісторык Антон Ясінскі.
1890 — на Лагойшчыне нарадзіўся Язэп Гладкі (Адам Варлыга), дзяяч беларускага руху і беларускай эміграцыі, фальклярыст, лексыкограф, этнограф, мэмуарыст, аўтар падручнікаў беларускае мовы.
1895 — амэрыканскі камэдыйны актор Бастэр Кітан, адзін з найвыдатнейшых комікаў нямога кінэматографу.
1941 — амэрыканская пісьменьніца Эн Райс, аўтарка бэстсэлераў пра вампіраў.
1978 — беларуская балерына Марына Вежнавец.
У памяці
1669 — галяндзкі мастак Рэмбрант.
Рэмбрант, аўтапартрэт (дэталь).
1929 — паэт Пятро Сяўрук.
1947 — нямецкі фізык Макс Плянк, які ўвёў у фізыку тэрмін «квант».
1970 — амэрыканская сьпявачка Джэніс Джоплін.
1980 — у аўтамабільнай катастрофе загінуў першы сакратар ЦК КПБ Пятро Машэраў.
Леанід Брэжнеў уручае Пятру Машэраву зорку Героя сацыялістычнай працы і ордэн Леніна. Менск, 25 чэрвеня 1978 г.
1981 — беларускі грэка-каталіцкі біскуп Часлаў Сіповіч, апостальскі візытатар беларусаў-каталікоў, заснавальнік Скарынаўскай бібліятэкі ў Лёндане.
Зьлева направа: Міхась Булыга, Браніслаў Курага-Скрага, Франціш Бартуль, а. Часлаў Сіповіч, Аляксандар Надсан, Павал Асіповіч, Павал Навара, Янка Мазура, Міхась Баяроўскі. Лёндан, 1952
2007 — Яўген Будзінас, беларускі пісьменьнік і журналіст.
ГЛЯДЗІЦЕ ТАКСАМА: Яўген Будзінас, Кала Бруньён нашага часу