Ягонае прызначэньне ад пачатку выклікала незадаволенасьць культурнай грамадзкасьці Літвы, але апошняй кропляй стаў ягоны адказ на пытаньне «чый Крым?» у інтэрвію парталу Lrytas 3 кастрычніка.
Міністар назваў пытаньне «правакацыйным» і прапанаваў не закранаць яго, бо гаворка не пра ягонае ведамства.
Прэмʼер-міністарка Літвы Інга Ругінене пазьней заявіла, што гэтае выказваньне непрымальнае, і паведаміла, што ён павінен прыняць рашэньне сысьці ў адстаўку. Неўзабаве так і сталася.
Раней Ігнотас Адамавічус быў камэрцыйным дырэктарам сямейнай кампаніі, якая вырабляе макароны, піша LRT.
25 верасьня ў Вільні сотні людзей выйшлі на пратэст супраць ягонага прызначэньня. А на 5 кастрычніка работнікі культуры аб’явілі папераджальную забастоўку. І ад гэтай ідэі не адмовіліся нават пасьля навіны пра адстаўку міністра.
ГЛЯДЗІЦЕ ТАКСАМА: У Літве прызначылі новы ўрад. Экспэрт спрагназаваў, як ён будзе ставіцца да Беларусі