Пра гэта паведаміла чэскае навіновае інтэрнэт-выданьне Aktuálně.cz.
Паведамляюць, што на генэрала напаў у рэстаране ці бары чалавек, якога ён раней ня ведаў. Гіцьга быў сур’ёзна паранены. Паводле зьвестак Aktuálně.cz, 47-гадовага брыгаднага генэрала адвезьлі ў шпіталь і зрабілі апэрацыю.
Сярод іншага, Гіцьга адказны за ўкараненьне бесьпілётнікаў у чэскай арміі.
«Я магу толькі пацьвердзіць, што на мяне несправакавана напалі з нажом, у выніку чаго я атрымаў раненьні. З увагі на тое, што справу цяпер расьсьледуе паліцыя, я ня буду даваць далейшых камэнтароў», — цытуе генэрала Aktuálně.cz.
«Мы расьсьледуем абставіны інцыдэнту, які, як паведамляецца, адбыўся ў першыя гадзіны пятніцы, 26 верасьня», — паведаміла Aktuálně.cz прэс-сакратарка вайсковай паліцыі Нікала Рымкевіч Гайкава.
ГЛЯДЗІЦЕ ТАКСАМА: «Беларусаў у Нароўлі ня бачыў». Украінскі журналіст — пра гады ў расейскім палоне і фільтрацыйны лягер у Беларусі