Алега Самародзкага вінавацяць паводле трох «палітычных» артыкулаў Крымінальнага кодэксу:
- ч. 3 арт. 361-3 («Удзел у экстрэмісцкім фармаваньні»),
- ч. 3 арт. 361 («Заклікі да прычыненьня шкоды Беларусі»),
- ч. 1 арт. 130 («Распальваньне варожасьці»).
Агулам Самародзкаму пагражае да 12 гадоў калёніі.
Як паведаміла «Наша ніва», Алегу Самародзкаму 61 год, ён нарадзіўся ў Расеі, у Разанскай вобласьці, даўно жыве ў Беларусі і мае беларускае грамадзянства. У яго трое дзяцей.
У 1985 годзе Алег Самародзкі скончыў менскі Інстытут замежных моваў па спэцыяльнасьці «перакладчык з ангельскай і францускай моваў», пазьней заняўся бізнэсам. Кіраваў фірмай «Уладкос», якая займалася вырошчваньнем гародніны, насеньня і расады, а таксама быў дырэктарам фірмы «БелБаскітЛід», якая мае вытворчасьць у пасёлку Іўе Горадзенскай вобласьці. Фірма вырабляе драўляную тару і іншыя прадметы з дрэва і саломы.
Акалічнасьці справы Самародзкага, як і тое, калі яго затрымалі, праваабаронцам невядомыя, ягонага імя няма ў сьпісе палітзьняволеных, які вядзе «Вясна».
ГЛЯДЗІЦЕ ТАКСАМА: Хроніка перасьледу 11 красавіка: затрымалі дырэктара агенцтва нерухомасьці і кіроўцу пагрузчыка; прадпрымальніка судзяць за абразу Лукашэнкі ГЛЯДЗІЦЕ ТАКСАМА: Хроніка перасьледу 28 жніўня: У Зэльве судзяць прадпрымальніка за абразу Лукашэнкі